SUSLÄII CON GOLGUISAJ

Xcuent susläj ire näjza golguisaj ni gujc bejn gadid xten guedxliuj. Golguisare guibed dxej nagasajni ro ‘ te biliää. Sas susläire cadedduxhni tzu’ n riza’ ni xhi rajw galguisajre, si’ cti tzu’n huält rhunii xhi rajw golguisajre tebdxej. Sulsäiire bidxäl lajzni xho gujy xobniil. Luxh lagajc laani runcheni xhajbini, rucheni xsindoorni runcheni guira’ ti ni riquiini.

Te dxejti sääreni ro ‘nisdoo, guiropreni. Che bahuii Golguiosajre siääd te caj lo nisdoo. Dxejc birii Susläii, räjpni:

-Te caj  siäädlo nisdoo.

Dxajc räjpni-huilääni don xhi yu ‘nene cajga

Che  birii  cajre lo nisdoore, bahuiireni siää tio ‘p biuux nenga.

Dxejc räpni:

-Tio ‘p biuux siääd nen ree- räjpni.

Dxjec bibalazduxhereni, sa ‘ csi najcreni benxahadajtz. Ruti xi’ nreni. Tzu ‘ n cadejreni. Dxejc räjpni:

-Biuuxre sacnädaduxh nuure. Dee gac xi’ nuu – Räjpni dxejc bastioobni rebiuuxre.

Rebiuuxre racnäjreni, risa ‘ nreni xhi rajw Golguisajre, naga’ ni.

Guyu’ stee bejn ni et laadi, balijdxnireni. Najcni te benlatsiaj.

 Räjpni:

-La tu biuux, cadedduxhtu tzuä n loj dadeä ga et xtadtinuni- räjpni

-¿xho najnlu et xtadtinuni?- räjpni

-loj dade’ re siädroodnu. ¿xho dini gac xtadnu?

-Dini gac xtadnu. Narä nancheä et xtadtituni. Luxh te cuääz  tzu’ n nicadejdtu, nbajy naj, tedtu te guniä xho guntuni, te cuää re tzu’ n.

-¿xhoni jiennuni?-räjpni

Pal najlu et xtadtinuni xlia’ si cadeednu tzu’ n – räjpni

-Jiäädtu guixee-räjpni

Che bara yää gudejdreni ro ‘ c cadro suga’ za bejnre. Bedeed bejnre gaii dzutbejd lojni. Dxejc räjpni:

-Ganid dzutbejdre gucuaatuni yejcni.Combast dzutbejdga ju’t bejnre dxejcni cuägajctu lastooni-räjpni

Che aguäätu lastooni guchajtu bäzbaguijtz nen xque ‘ ni . Dxejcni jinätu lastoo bejnre gäbtu loj xnantu:

“xtadä bagu’ t te  bidzujn ni ‘ c gunlu xhuej guidaunu”

-mbaj-räjpni-chonänuni. Che bidzujnreni dxejc-räjpni

-Xhane- räjpni- nilagaanlu, xtadnu bagu’t te bidzujn. Naj aree lastoo bidzujnre, gunluni xhuej-räjpni

-mbaj xhet najcdi-räjpni-nagueste gunäni

Sägajc bejnre ro’ gueuu satilibni xobdäj. Che bidzujnni ro’ gueuu räjp bedz lojni:

-          Cauu.cauu- räajpni

Dxejcni räjpni

-¿xhicuent rnii manre scree?

Che gunisac bedzre:

-cauu,cauu- dxejc räjp bedzre:

Pet lagajc luj gauulu lastoo chääl lu.

 Ro ‘ cni gucbee susläiire re biuuxre xtradeni.

Che bidzujnii dxejc räjpni:

-¿contu?-räjpni- chohuiinu con xtadtu

Che siääd tu ¿con xtadtu?-räjpni

-a xtadnu naga’-räjpni

-che bidzujnni, nagarloj bejnre

-¿xhicuent nagarloj  xtadto?-räjpni

-chuj- dinu guidon- räjpni

Che biopsa’ nnu xhi gauni, nagasajni- räjpni- dinu Guido.

-¿per xhoditu gan?

Ni la’ ti guixe riädsa’ ntu xhi gauni-räjpni.

Ni la’ tu guixe guixee riädse’ ntu xhi gauni-räjpni. Mbaj, fiä don xhini’ c rajc xtadtu.

Dxjec batiexhhloj Susläiire Golguisajre. Che biriyäl rebäzbaguijtzre,gudauya’ reni Susläii, li cabixhät Susläii.